يا ليت نور الصبح ما جاء بالإسراع
ويا ليت ليلي ما تعجل ذهابه
قلبي على شوف المحبين ملتاع
للي نهب قلبي وطوّل غيابه
طول السهر يزيد في قلبي اوجاع
وتشخيص طبي ما يداوي عذابه
حبه نزل بين الحنايا والاضلاع
ورمش عينه سيف فارق نصابه
الحب له طابع وانا فيني اطباع
والحب له بين الضلوع استجابة
لا تحسبون الحب مركب بلا شراع
ومركبي فالبحر يمخر عبابه
انا حبيبي ريم جافل ومرتاع
مشهور بين اهله وبين القرابه
من دون قربه خافقي بالهوى ضاع
وحبه بقلبي من سنين جرى به
قلبي بسوق الحب يشري ولا باع
ضاعت معاريفه وضيّع شبابه