عاد عيدك يا بلادي
ونبض حبك في فوادي
والشعر قبل المبادي
في سما عزك قصد
يا جمال الكون كله
ياغلا قلبي ومن له
ارتدي بالعيد حله
بيرقك شوفه سعد
عيدي وعزك سعوبه
بك هلا العوجا مشوبه
بدار سلمان العروبه
ياللي مامثـله احد
عيدي في كل عام
من ذرا معزي الامام
لكف سلمان السلام
وباقي لطول الامد
مع ولي عهده محمد
عاش قايدنا المجدد
عاش والعالم تردد
عيدي ياحلا بلد
للقمم مبطي رقيتي
وبالفخر رحتي وجيتي
وللعلا مبطي سعيتي
ولك هل العوجا سند
وراية التوحيد فينا
حقها دايم علينا
بظلها حنا ربينا
عز من جد لولد
افخري وحنا جنودك
قلوبنا درع لحدودك
وبالفخر ربي يزودك
فالوجود بلا عدد