عبده محمد القاضي
يا صاحبي جيتك .. بعلمٍ لك ايهول
شفته بعيني كم .. صروحٍ هدمها
خلك كما سيفٍ .. بلا غمد مسلول
وابعد عن اللي .. حالته ما فهمها
مدام في يدك .. مهند ومصقول
من يحترم نفسه .. تهابه اممها
وش لك بصاحب مايفيدك ومعلول
الناس فوق وهو يجالس خدمها
دايم وهو مطوي كما طية الرول
ون جاك يفزع فزعته ما حسمها
حاله ردي عايشٍ .. دوم مذلول
شايل بصدره .. وكل حاجه كتمها
لا هو من اللي كلمته تصول وتجول
ولا هو من اللي .. كلمته يحترمها
هذا الجبان اللي ليا قال ما يطول
مثل الرخوم اللي .. تساير رخمها
أنا نصحتك وانت يا صاح لك قول
عقلك براسك وخطتك من رسمها
