شعر عبده بن محمد القاضي
الشعر ديوان العرب دوم موسوم
با احلى القوافي ما يدنسه هافي
الشعر له حرفه .. وتقاليد وسلوم
مهو برص احروف بليا احترافي
من يكتب الابيات من دون تعلوم
جنب صواب الشعر لوكان وافي
الشعر يبغاله .. شغاميم وقروم
توزن بيوت الشعر .. في كل قافي
الشعر يفخر به .. شجيعٍ وزيزوم
حنا العرب ساسه .. سيوفٍ رهافي
ماكل شاعر في البحر يقدر يعوم
بحر الشعر يصعب على كل حافي
ياكم شاعر ماكتب .. شعر مفهوم
وياكم شاعر .. ما لقى بيت لافي
وياكم شاعر حالته . دوم محروم
القاف ما جاله .. وضاع السنافي
بعض الشعر رمه وشاعره معلوم
وبعض الشعرتقراه وشاعره خافي
الشعر في ديار العرب دام ويدوم
من عصرنا الاول الى اليوم ضافي
دون لنا الاحداث وعلوم برقوم
بين العرب دايم .. ما به خلافي
