عبده محمد القاضي / أبو نبيل
قطع الوصل بين القرايب ظليمه
واصل قريبك قبل ما الروح تهدم
بعض القرايب له مع الوقت قيمه
وبعض القرايب .. لا قطعته تندم
اصفح وسامح لو جروحك أليمه
تكسب رضا الرحمن في يوم معدم
خلك لربعك سيف .. ومزون غيمه
لمن قاطعك .. بادر وخليك مَقدم
زاور وزور وانسا الجروح القديمه
لوكان جرحك باقيا ينزف الدم
من عاش عمره والنوايا سليمه
حاز الجمايل وبين ربعه تفندم
على الأقل جامل ونفسك كريمة
واحذر من الأيام في يوم تصدم
وصل القرايب مهو بسلب وغنيمه
وصل القرايب لا انقطع صار مردم
